Nágbabalík mandi’t, parang hináhanap, ditô ang panahóng, masayáng lumipas, na kung malíligo’y, sa tubig áagap, nang hindî abutin, ng tábsing sa dagat. Parang naríriníg, ang lagî mong wikâ, "tatlóng araw na dî, nagtátanáw tamâ" at sinásagót ko, ng sabing may tuwâ, “sa isáng katawá’y, marami ang handâ”. Anó pangá’t waláng, dî nasísiyasat, ang págiisíp ko, sa tuwáng kumupas, sa kagúgunitá, luhà’y lálagaslás, sabáy ang taghoy kong, ó nasawíng palad! Nasaan si Celiang, ligaya ng dibdib, ang suyuan nami’y, bakit dî lumawig? Nahan ang panahóng, isá niyáng titig, ang siyáng buhay ko, kalúluwá’t langit? Bakit bagá niyaóng, kamí’y mághiwaláy, ay dípa nákitíl, yaríng abáng buhay? Kung gunitaín ka’y, aking kamatayan, sa pusò ko Celia’y, díka mapáparam. Itóng dî matiís, na págdaralitâ, nang dahil sa iyó, ó nálayóng tuwâ, ang siyáng umakay, na akó’y tumulâ, awitín ang buhay, nang isáng náabâ. Celia’y talastás ko’t, malabis na umíd, mangmáng ang Musa ko’t, malúmbay ang tinig, dî kinábahagyá, kung hindî málait, palaring dinggín mo, ng tainga at isip. Itó’y unang bukál, nang baít kong kutád, na iniháhandóg, sa mahál mong yapák, tánggapín mo nawâ, kahit waláng lasáp, nágbuhat sa pusò, nang lingkód na tapát. Kung kasádlakán man, ng pulà't pág ayop, tubò ko’y dakilà, sa puhunang pagod, kung binábasa mo’y, isá mang himutók, ay alálahanin, yaríng nagháhandog. Masásayáng Ninfas, sa lawa nang Bay, Sirenas ang tinig, ay kawilí-wilí, kayó ngayó’y siyáng, pinípintakasî, ng lubháng mapánglaw, na Musa kong imbî. Ahon sa dalata’t, pangpáng na nágligid, tunohan nang lira, yaríng abáng awit, na nagsásalitáng, buhay ma’y mapatíd, tapát na págsintá’y, hangád na lumawig. Ikáw na bulaklak, niyaring dilí-dilî, Celiang sagisag mo’y, ang M. A. R. sa Birheng mag-Iná’y, ipamíntakasî, ang tapát mong lingkód, na si F. B.
Kung sa págbasa mo’y, may tuláng malabo, bago mo hatulan, katkatín at likô, pásuriin muna, ang luwasa't hulò, at makíkilalang, malinaw at wastô. Ang may tandáng letra, alín mang talatà, dímo mawatasa't, malalim na wikâ, ang matá'y itingín, sa dakong ibabâ, buóng kahulugá’y, mapág úunawa. Hanggáng ditô akó, ó nánasang pantás, sa kay Sigesmundo’y, huwág díng matulad, sa gayóng katamís, wikang masásaráp, ay sa kábabágo, nang tulâ’y umalat.
Sa isáng madilím, gubat na mapánglaw, dawag na matiník, ay waláng pagitan, halos naghíhirap, ang kay Febong silang, dumalaw sa loób, na lubháng masukal. Malálakíng kahoy, ang iniháhandóg, pawang dalámhatì, káhapisá’t lungkót, huni pa ng ibon, ay nakalúlunós, sa lalong matimpî’t, nagsásayáng loób. Tanáng mga baging, na namímilipit, sa sangá ng kahoy, ay balót ng tiník, may bulò ang bungà’t, nagbíbigáy sákit, sa kangino pa mang, sumagì't málapít. Ang mga bulaklak, ng nágtayóng kahoy, pinaká-pamutíng, nag ungós sa dahon, pawang kulay luksâ, at nakíkiayon, sa nakáliliyóng, masángsang na amóy. Karamiha’y Cipres, at Higuerang kutád, na ang lilim niyaón, ay nakásisindák, itó’y waláng bungà’t, daho’y malálapad, na nakádidilím, sa loób ng gubat. Ang mga hayop páng, ditô’y gumágalà, karamiha’y Sierpe’t, Baselisko’y madlâ, Hiena’t, Tigreng ganid, na nagsí-sísilâ, ng buhay ng tao’t, daigíng kapuwà. Yaóng Ejércitong, mulâ sa Etolia, ang unang nawika, sa gayóng ligaya, Viva si Floranténg, harì sa Albania, Mábuháy mabuháy, ang Prinsesa Laura!". Dínalá sa Reynong, ipinág díriwang, sampû ni Aladí’t, ni Fléridáng hirang, kapwá tumánggáp, na mangág-binyágan: magká-kasíng-sintá’y, náraos nákasál. Namatáy ang bunying, Sultan Ali Adáb, muwí si Aladín, sa Persiang siyúdad, ang Duke Florante, sa Trono’y náakyát, sa siping ni Laurang, minú-mutyáng liyág. Sa pamámahala, nitóng bagong Harì, sa kapayapaan, ang Reyno’y na-ulî, ditô nakábangon, ang nalúlugamì, at napasá-tuwâ, ang nagpí-píghatî. Kayâ ngá’t nágtaás, ang kamáy sa langit, sa pasásalamat, ng bayang tángkilik, ang Harì’t ang Reyna’y, waláng naíisip, kundî ang mágsabog, ng awà sa kabig. Nagsásama siláng, lubháng mahinusay, hanggáng sa násapit, ang payapang bayan, Tigil aking Musà’t, kúsa kang lumagáy, sa yapak ni CELIA’t, dalhín yaríng Ay! .. Ay!Just a snippet, for a complete one, please contact:
Ed Juan Telephone: 403.875.4198 eMail: edjuan@shaw.ca